Læknissk0ðun sjófarenda
Læknisskoðun sjófarenda er læknisskoðun til að meta hvort sjófarendur uppfylli þær kröfur um heilsu og líkamsburði sem gerðar eru til hans. Þetta er sama skoðun og sjófarendur á farþega og flutninga skipum þurfa að standast.
Þetta er ca. 40 mínútna skoðun læknis og hjúkrunarfræðings og er hugsuð fyrst og fremst til að tryggja öryggi sjófarenda - að þeir séu líkamlega hæfir til að stunda sjómennsku.
Eftir skoðunina fær sjófarandi STCW vottorð frá Samgöngustofu um hvort hann hafi staðist eða ekki staðist skoðunina. Þessi skoðun er gerð á tveggja ára fresti. Réttinda menn geta notað vottorðið úr þessari skoðun til þess að endurnýja réttindin sín.
Markmiðið með því að setja fram kröfur til sjómanna um heilsu og líkamsburði eru:
• Að sjá til þess að sjómenn geti bjargað sjálfum sér og öðrum í sjávarháska.
• Að aðrir geti bjargað sjómanninum úr sjávarháska án þess að fara sjálfum sér að voða.
• Að sjómenn með ákveðna sjúkdóma eða vandamál fari ekki á sjó þar sem undirliggjandi vandamál geta versnað eða þeir fengið varanleg mein af því að vera fjarri landi.
Oftast er það svo að menn , læknir og sjófarandi eru sammála um að það vanti eitthvað upp á að sjófarandi uppfylli kröfurnar, ef hinsvegar sjófarandi er ekki sammála niðurstöðu læknisins verður fengið álit annars læknis sem sjómaður treystir.
Fullkomið trúnaðarsamband ríkir að sjálfsögðu á milli sjófaranda og læknis og einu upplýsingarnar sem útgerðarfyrirtækið fær eftir skoðun er að viðkomandi standist kröfur – eða standist ekki kröfur. Engar upplýsingar fara nokkru sinni frá lækni nema með samþykki sjófaranda.
Sjófarendur ATHUGIÐ að þið þurfið að koma með skilríki (ökuskírteini eða vegabréf) með ykkur og þurfið að getað skilað þvagprufu.
Best er að panta tíma í síma 552 4800 milli klukkan 13 og 15 virka daga eða senda tölvupóst á gerdur@laeknarad.is
Skoðanir fara fram hjá:
Sjómannaheilsu Holtasmára 1 (7. hæð), 201 Kópavogur.
Læknastofum Akureyrar á Glerártorgi, 600 Akureyri
